پەی تایم

لەگەڵ ئەوەی ئامێرەکانی پەنجەمۆر (Fingerprint Reader) ئاسانکاریی زۆریان کردووە و بوون بە جێگرەوەی واژۆی دەستیی. بەڵام تەنیا داتای ئەو ئامێرانە گرنگ نییە لە دامەزراوەکاندا. بەڵکو ئێمە و ئامێرەکانی پەنجەمۆر، پێویستمان بە سیستەمێکی ئەلیکترۆنییە، کە داتاکانی ئامێری پەنجەمۆر کۆبکاتەوە، دوای کۆکردنەوەی شییان بکاتەوە و زۆر بەئاسانیی بیانکات بە ڕاپۆرت.
بەڵام هێشتا پێداویستیی زیاترمان هەیە کە دەبێت سیستەمی بەڕێوەبردنی دەوامی کارمەندان ئەنجامی بدات بۆمان. بۆ نموونە دروستکردنی و بەڕێوەبردنی شەفت و دەوامی کارمەندان، ڕێکخستنی مۆڵەتەکان و کاتی زیادەی کارکردن (Overtime). هەروەها ئامادەکردنی لیستەی مووچە. هەموو ئەو شتانەی باسمان کردن، نابێت ئاڵۆز و قورس بن، بەڵکو سیستەمێکی بەهێزی دەوامی کارمەندان، تەنیا بە چەند کلیکێک ئەنجامی دەدات بۆت.

پەی تایم بەرنامەی بەکاربەریی ویندۆزە (Windows Application) واتە تەنیا لەسەر سیستەمی کارگێڕیی ویندۆز کار دەکات. دامەزراندن و وەگەڕخستنی تەنیا چەند کاتژمێرێکی پێویستە.

لەکاتی چوونەدەرەوە لە سیستەمەکە، بەشێوەیەکی خۆکار پاڵپشتی (Backup) وەردەگیرێت لە بنکەدراوە (Database)ی سیستەمەکە. دەتوانن باکئەپەکان بەشێوەیەکی خۆکار ڕەوانە بکەن بۆ سەر ڕاژەکارێکی دەرەکی وەکو: وەن درایڤ یان گووگڵ درایڤ. هەروەها دەتوانن ئامێرێکی پاڵپشتیی (Backup) دابین بکەن و بەشێوەیەکی خۆکار پاڵپشتییەکان ڕەوانە بکرێن بۆ ئەوێ. جگە لەوەش دەتوانن هاردێکی دەرەکیی دابین بکەن و حەفتانە چەند جارێک باکئەپەکانی لەسەر تۆماربکەن.
ڕێکاری زۆر هەیە بۆ بۆ پاراستنی داتاکان، کە هاوکارتان دەبێت لە پێدانی باشترین و ئاسانترین چارەسەرەکان.

پەی تایم لەگەڵ 255 ئامێری پەنجەمۆر پەیوەست دەکرێت. دەکرێت هەر یەکێک لە ئامێرەکانیش لە شوێن و لقی جیاوازبن.

لەگەڵ هەر ئامێرێکی جۆرایەتیی بەرز و دروستکراو لەلایەن براندی باوەڕپێکراو: بۆ نموونە (ZK, Nitgen, Suprema, Viridi, Realtime) و هتد کاردەکات. ئامێرەکە پشتگیریی هەر کامێک لە ڕێگاکانی ناسینەوە بکات وەکو (پەنجەمۆر، دەموچاو و کارد) پەی تایم بەبێ کێشە لەگەڵی پەیوەست دەبێت.

دوای دامەزراندنی پەی تایم ئێمە فێرکاریی تەواوتان پێشکەش دەکەین، دوای ئەوەش 6 مانگ پشتیوانی تەکنیکیی بێبەرانبەر پێشکەش دەکەین.

بە زمانەکانی کوردی و عەرەبی بەردەستە.

پەی تایم چەندین جۆر ڕاپۆرتی ورد و ناوازەی لەگەڵدایە، کە سەرجەمیان بە چەند کلیکێک ئامادە دەبن. هەموو ڕاپۆرتەکان لەگەڵ پەی تایم بەردەستن و هیچیان بە تێچووی زیاتر نیین.

ڕەنگە باوەڕ نەکەیت، بەڵام ئامادەکردنی لیستی مووچە تەنیا چەند خولەکێکی پێویستە، گرنگ نییە کارەکەت چەند گەورەیە.

پەی تایم توانای پێناسەکردنی شەفتی جۆراوجۆر (ئاسایی، خەفەریات، دەوامی تایبەت، بەرنامەی حەفتانە… هتد)ی هەیە. جگە لەوەی هەر شەفتێکت بووێت دەتوانیت دروستی بکەیت، دەتوانیت هەر جۆرێکی دەوامت بووێت دروستی بکەیت (کاتژمێریی، ڕۆژانە، حەفتانە…هتد).

تایبەتمەندییەکی ناوازە لە سیستەمی پەی تایم هەیە، بەناوی فەرمانی کەسی یان (الأحكام). کە هاوکار دەبێت بۆ بەڕێوەبەران تا سەرجەم فەرمانەکانیان لەسەر سیستەم جێبەجێ بکەن، با چەند نموونەیەک باس بکەین:
نموونەی یەکەم: هەندێک لە کارمەندانت شەفتی دیاریکراویان نییە بۆ کارکردن، بەڵام پێویستە لەماوەی ڕۆژەکەدا 8 کاتژمێر کاربکەن، یان لە ماوەی مانگێکدا 208 کاتژمێر کاربکەن، بەئاسانی سیستەم بە فەرمانێکی بگۆڕ (Floating) بۆت ڕێکدەخات.
نموونەی دووەم: هەندێک کارمەندی دڵسۆزت هەیە کە دەتەوێت هاوکارییان بکەیت، بۆ نموونە کارمەندێکت دایکە و منداڵی ساوای هەیە، لە ماوەیەکی دیاریکراوی ڕێکەوتێک بۆ ڕێکەوتێکی تر، ڕۆژانە 1 کاتژمێر کاتی کارکردنی بۆ کەم دەکەیتەوە. یان کارمەندێکت هاوکاریی پێویستە، بۆ ماوەیەکی دیاریکراو بەبڕی دیاریکراو هاوکاریی دەکەیت.
نموونەی سێیەم: بە هەر هۆکارێکی وەکو، سروشتی یان تایبەتمەندیی کاری کۆمپانیا یان دامەزراوەکە، ئەمڕۆ کارمەندان لە هاتن بۆ سەرکار دوادەکەون، یان پێویستە درەنگتر لە کاتی کارکردنی خۆیان بڕۆنەوە. لەم کاتەدا بەبێ ئەوەی پێویست بکات دەستکاریی کاتی هاتن و چوون یان شەفتەکان بکەیت، بەپێدانی فەرمانێک سیستەمەکە بەئاسانیی بۆت جێبەجێ دەکات.

بەڵێ، هەر بەکارهێنەرێک دروست دەکەیت، بە ئارەزووی خۆت دەسەڵاتی پێ دەدەیت.

پەی تایم زۆر بەجوانیی مۆڵەتەکان جیا دەکاتەوە و ڕێکیان دەخات. بۆ نموونە: مۆڵەتی نەخۆشی، یاسایی، هاوسەرگیری، دایکانە و زیاتریش. مۆڵەتەکان تێکەڵی یەک نابن و بەجوانی دەتوانیت لە ڕاپۆرتەکاندا بیبینیت. لەوانەش زیاتر دەتوانیت هەر مۆڵەتێکی ترت پێویست بێت و لە سیستەمدا نەبێت بەئاسانیی زیادی بکەیت، بەبێ گەڕانەوە بۆ کۆمپانیای پاتریس.

1. ڕاپۆرتی لەبیرچوونی پەنجەمۆر
2. ڕاپۆرتی دەوامی کارمەندان
3. ڕاپۆرتی گشتی (دواکەوتن، زوودەرچوون، ئامادەنەبوون، ئیفاد) و زیاتریش بە ڕۆژانە و مانگانە
4. ڕاپۆرتی کاتی کارکردنی زیادە (Overtime)
5. ڕاپۆرتی باڵانسی مۆڵەتەکان
6. ڕاپۆرتی مۆڵەتە وەرگیراوەکان
7. ڕاپۆرتی دەوامی ڕۆژانە
8. ڕاپۆرتی دەرچوون بۆ کار
9. ڕاپۆرتی فەرمان و ئەحکامەکان
10. ڕاپۆرتی گۆڕانکارییەکان لە سیستەم و داتای کارمەندان

جگە لەوە دەتوانیت لەسەر خواستی خۆت ڕاپۆرت دروست بکەیت. هەروەها پاڵاوتن (Filter) بۆ ڕاپۆرتەکان بکەیت.

پەی تایم هەرگیز ڕێگە بە فەوتانی کاتی کارکردنی زیادە نادات. دوای تەواوبوونی کاتی کارکردن، هەموو زیادە کارکردنێک هەژمار دەکرێت و دەتوانرێت لە کاتی پێدانی مووچە زیاد بکرێت.

نەخێر، لە دوای کڕینی پەی تایم و واژۆکردنی گرێبەست، مۆڵەتی بەکارهێنانی سیستەمەکە هەمیشەییە و تێچووی ساڵانەی نییە. پشتیوانیی ساڵانە ئارەزوومەندانەیە، کاتێک بەشداریی دەکەیت کە پێویستت بە ڕاژەی پشتگیریی سەرهێڵ (Online) هەبێت. دەتوانیت گرێبەستی پشتیوانییەکەت نوێ بکەیتەوە، ئەگەر نوێی نەکەیتەوە سیستەمەکە بەردەوام دەبێت لە کارکردن و ناوەستێت.

وەڵامدانەوەی پرسیار و چارەسەرکردنی کێشەکانی بەکارهێنەر. هەروەها نوێکاریی ساڵانە، لە ڕێگەی تەلەفوون و سەرهێڵەوە.

بەڵێ بەدڵنیایی، لە خوارەوە کرتە بکە لە دوگمەی داواکردنی دێمۆ و داواکارییەکەت تۆماربکە بۆ ئەوەی پەی تایم تاقیبکەیتەوە و لە نزیکەوە بیبینیت.

گرنگترین شت بەلای ئێمەوە ئەوەیە، کڕیاران و بەکارهێنەران بە بەرهەمەکانمان دڵخۆش و ئاسوودەبن. بۆیە ئێمە گرەنتی گەڕانەوەی تەواوی پارەکەت دەکەین تا ماوەی 3 مانگ لە کڕینی مۆڵەتی بەرهەمەکانمان.